Wednesday, February 22, 2012

Tufan Main

Dhananjay Parmar
Hi friend’s
This is just poem and shayari,

bimar hain to ab dam-e-isa kahan se aye
us dil main dard-e-shauq-o-tamanna kahan se aye
bekar shara-e-lafz-o-mani se fayeda
jab tu nahin to shahar main tujh sa kahan se aye
har chashm sang-e-khizb-o-adawat se surkh hai
ab admi ko zindagi karna kahan se aye
wahshat hawas ki chat gai khak-e-jism ko
be-dar gharon main shaql ka saya kahan se aye
jar se ukhar gaye to badalati ruton se kya
be-ab ainon main sarapa kahan se aye
sayon pe aitamad se ukta gaya hai ji
tufan main zindagi ka bharosa kahan se aye
gam k thapere le gaye nagin se lambe bal
raton main jangalon ka wo saya kahan se aye
?Naheed? faishanon ne chupaye hain aib bhi
chashmain na hon to ankh ka parda kahan se aye



Dard kam hone laga aao ke kuch raat kate
Gham ki miaad badha jaao ke kuch raat kate
Hijr mein aah-o-baka sa kuhan hai lekin
Aaj yeh rasm hi dohrao ke kuch raat kate
Yun to tum roshni qalb-o-nazar ho lekin
Aaj who mojezah dikhlao ke kuch raat kate
Dil dukhaata hai who milkar bhi magar aaj ki raat
Usi be-dard ko le aao ke kuch raat kate
Dam ghuta jaata hai afsurda dili se yaaro
Koi afvah hi phailao ke kuch raat kate
Main bhi bekaar hun aur tum bhi ho viran bahot
Doston aaj na ghar jaao ke kuch raat kate
Chod aaye ho sarshaar use kyun NAASIR
Use phir ghar se bula lao ke kuch raat kate
(Miaad:Duration)(Mojezah:Something Unthinkable)(Afsurda:Sad)(Sarshaar:Alone)


Tou zakham-e-judaie ko tammana main mila kar
Khod apnay he haaton sai ye zeher piya kar
Takleef main ehsaas-e-mohobat ko dubo kar
Umeed ke kirno’n main tou rooz jiya kar
Daikhay jo teray haal ko apnay main sumo ker
Aisay he kisi shakhs sai tou piyar kiya kar
Jeenay main kehin sokh ore kehin dard-e-jahan hai
Haaton kee lakeeron ko na dosh diya kar

Jalta hai jism tera agar roog-e-wafa main
Parwanay kee jurrat ko tou yaad kiya kar
Bhikhray howay patton sai nashaimun ko saja kar
Ujaray howay logoon ko abaad kiya kar
Sumjhay jo tera dard koe aisa wali ho
Barbaad dilon main usay dhoondh liya kar

Wo kaun hai shaukat jo mubera hai dokhon sai
Aflaas ke basti main zara jhaank liya kar



Dil k dariya ko kisi roz utar jana hai
Itna besimt na chal laut ke ghar jana hai
Us tak ati hai to har chiz thahar jati hai
Jaise pana hi use asl main mar jana hai
Bol ai sham-e-safar rang-e-rihai kya hai
Dil ko rukana hai k taron main thahar jana hai
Kaun ubharate hue mahatab ka rasta roke
Us ko har taur su-e-dasht-e-sahar jana hai
Main khila hun to isi khak main milna hai mujhe
Vo to khushbu hai use agle nagar jana hai

Vo tere husn ka jadu ho k mera gam-e-dil
Har musafir ko isi ghat utar jana hai

(Besimt:No Direction)(Mahatab:Moon)(Ubharte:Rising)(Ghat Utar:Go Through)


Dhananjay Parmar


Friday, February 17, 2012

Apne Aap Se

Dhananjay Parmar
Hi friend’s
This is just poem and shayari,

Aaj apni Muhabat ko naya morr diya us ne,
Mere liye baalon ko khula chorr diya us ne!
Pehle hansta tha main muh khol k,
Ab to Aage wala hi daant torr diya us ne!
Us ne sargoshi ka kaha main betaab ho gaya,
Kaan paas kiya to marorr diya us ne!

Sardiyan aaeen to laya maaltay mehboob k liye,
Malta kha k chilka ankhon main nichor diya us ne!
Bewafai ki had b dikha di ik din us zalim ne,
Milne ghar gaya to pechay kutta chor diya usny..’



Shaayed uss ne mujhko tanha dekh liya hai
Dukh ne mere ghar ka rasta dekh liya hai
Apne aap se aankh churaaye phirti hoon main
Aayine mein kiska chehra dekh liya hai
Ab bhi sapne boye to eimaan hai uska
Usne in aankhon mein sehra dekh liya hai
Uss ne mujhe dar-asal kabhi chaha hi nahi tha
Khud ko de ker yeh bhi dhoka dekh liya hai

Uss se milte waqt ka rona kuch fitri tha
Uss se bichar jaane ka nateeja dekh liya hai
Rukhsat karne ke aadaab nibhaane hi they
Band aankhon se usko jata dekh liya hai !!

(Sehra:Desert)(Nateeja:Outcome)(Fitri:Expected)


Yeh dil ka chor ke is ki zaroortain theen bohat,
Wagarna tark-e-taluq ki soortain theen bohat,
Miley to toot roye na khul ke batain keen,
Ke jese ab dilon mein Kudurtain theen bohat,
Bula diye hain tere gham ne dukh zamane ke,
Khuda nahin tha tou pathar ki moortain theen bohat,
Dareeda peerhano ka khayal kya ata,
Ameer sheher ki apni zarooratain theen bohat,
Faraz dil ko nigahon se ikhtlaaf raha,
Wagarna sheher mein hum-shakal soortain theen bohat.
(Chor:Something Fishy)(Tark-e-Taluq:Boycott)(Moortain:Idols)(Ikhtlaaf:Not Agreeing)


Dhananjay Parmar


Tuesday, February 14, 2012

Yaad Gar Aaon

Dhananjay Parmar
Dhananjay Parmar


 
Hi friend’s
This is just poem and shayari,


Kisi din loat na paaon
Tumhain main yaad gar aaon
Sulla k apni ankhon ko
Mujhay tum khawb main milna
Waja tum jaan jaao gi
Mujhay pehchan jaao gi
Tumharay paas he aana thha
Mujhay kahan ore jaana thha
Magar qudrat nay rakha thha
Tumhara imtehan iss main
Mohobat say bohat aagay
Tumhain bhe aazmana thha
Tumhain daiy kar zara sa gham
Mujhay bhe ye batana thha
Sirf tum he nehi kartay
Mohobat apni manzil say
Wo manzil bhe tumhari raah taktay
Sisakti hay, tarapti hay
Aansoo bahati hay
Ore kehti hay
Chalo ab loat bhe aao
Sunna tum nay ……. Chalo ab loat bhe aao
Chalo ab loat bhe aao……………
by Shaukat Ali Khan
(Qudrat:Nature)(Manzil:Destination)(Loat:Come Back)



Dhananjay Parmar
Dhananjay Parmar

Tuesday, February 7, 2012

Iss Safar Main

Dhananjay Parmar
Hi friend’s
This is just poem and shayari,

Naam le le kar naa mera shehar ki nazroon main aa
Mujh se milna hai to mere dil ke sehraao main aa
Iss safar main daikh ghull jata hai miti ka badan
Mujh se milne ki naa khuwahish kar naa barsaatoon main aa
Loog tujh ko gungunaain meri khuwahish ki tarha
Aik achoote shair ki surat meri ghazloon main aa
Be hunar logoon ne phir maanga mere fun ka saboot
Aa meri sachaai ki khushboo meri lafzoon main aa
Ghar ke darwaze pe aakar kyun qadam rukne lage
Aa meri tanhaai, meri muntazir bahoon main aa



Yahan Lehroon Nay Saahil Say Judda Hona Hi Tha
Jis Tarhan Hum Nay Chaha Us Tarhan Hona Hi Tha
Raiza Raiza Ho Kar Beekhra Fizzaon Main Baddan
Chaandni Ki Chaah Main Yeh Haadsa Hona Hi Tha

Hadoon Say Ghuzar Kar Hum Nay Pooja Tha Jinhain
Un Haseen Logon Nay Aakhir Dewata Hona Hi Tha
Ummar Bhar Dil Shaad Rehta Tark-E-Ulfat Pay Mera
Ek Baar Tu Woh Poochta Agar Bewafa Hona Hi Tha
Hain Mundaamil Ab Chahatoon K Woh Zakham
Jal K Dil Ki Raakh Nay Aakhir Dawa Hona Hi Tha



Agar wo pyaar kar laiti
Maira daaman pakaR laiti
To jeevan main faqat us say
Mohabbat farz ho jaati
Mohabbat qarz ho jaati
Magar
Acha kiya us nay
Mujhay samjha kay chal nikli
Mujhay thukra kay chal nikli
Bohat nadaan si hay wo
Abhi anjaan si hay wo
Kahan ma’loom hay us ko
Mohabat zindagi main bus
Faqat ik baar milti hay
Agar thukra kay chal niklain
To umrain beet jaati hain
Mohabbat ki tamanna main
Magar
Har ik rastay pay
Sirf ruswaaii milti hay
Faqat tanhaaii milti hay



Dukh De Kar Sawaal Karte ho,
Tum Bhi Janam ! Kamaal Karte ho..
Dekh Kar Puchh Liya haal mera,
Chalo Kuchh to Khayaal Karte ho..
Shehar -e- Dil me Ye Udaasiyaan Kaisi,
Ye Bhi mujh se Sawaal Karte ho ???
Marnaa Chaahain to mar nahi Sakte,
tum Bhe Jeenaa muhaal Kartay ho..
Ab Kis Kis Ki misaal Doon tum Ko ?
Her Sitam Be-misaal Karte ho…..!!



Dil mein hum aik hi jazbe ko samoyen kese,
Ab tujhe paa ke yeh uljhan hai ke khoyen kese,
Zehen chalni jo kiya hai, To yeh majboori hai,
Jitne kaante hain, woh talwon mein piroyen kese,
Hum ne maana ke bohat der hai hashar aney tak,
Chaar janib teri aahat ho to soyen kese,
Kitni hasrat thi, Tujhe pass bitha ker rote,
Ab yeh yeh mushkil hai, Tere samne royen kese…
(Samoyen:Keep)(Chalni:Injured)(Talwon:Feet)(Hashar:Judgement Day)