Suna Hai Log

Dhananjay Parmar

Hi friend’s

This is just poem and shayari,

Suna hai log usay aankh bhar ke dekhte hain
So us ke shahar main kuchh din thehr ke dekhte hain
Suna hai rabt hai us ko kharab halon se
So apne aap ko barbad kar ke dekhte hain
Suna hai dard ki gahak hain chashm-e nazuk us ki
So ham bhi us ki gali se guzar ke dekhte hain
Suna hai us ko bhi hai sher-o shayari se shagaf
So ham bhi mojazay apnay hunar ke dekhte hain
Suna hai bole to baton se phool jharrtay hain
Ye baat hai to chalo baat kar ke dekhte hain
Suna hai raat use chand takta rehta hai
Sitaray baam-e falak se utar kar dekhtay hain
Suna hai hashr hain us ki ghazaal si aankhain
Suna hai us ko hiran dasht bhar ke dekhte hain
Suna hai din ko usay titliyan satati hain
Suna hai raat ko jugno thahar ke dekhte hain
Suna hai rat se barh kar hain kakulan us ki
Suna hai sham ko saye guzar ke dekhte hain
Suna hai us ki siyah chashmagi qiyamat hai
So us ko surma farosh aankh bhar ke dekhte hain
Suna hai us ke labon se gulab jalate hain
So ham bahar par ilzaam dhar ke dekhte hain
Suna hai aaina tamasal hai jabin us ka
Jo sada dill hain ban sanvar ke dekhte hain
Suna hai jab se hamail hain us ki gardan main
Mizaj aur hi lal-o gauhar ke dekhte hain
Suna hai chashm-e tasavur se dasht-e imkan main
Palang zawaiya us ki kamar ke dekhte hain
Suna hai us ke badan ke tarash aisay hain
Ke phuul apani qabayain qatar ke dekhte hain
Woh sarvqad hai magar begul-e muraad nahin
Ke us shajar pe shagufay samar ke dekhte hain
Bas ek nigah se lutata hai qafila dil ka
So rahravaan-e tamannaa bhi dar ke dekhte hain
Suna hai us ke shabistan se mutasil hai behisht
Makin udhar ke bhi jalway idhar ke dekhte hain
Rukay tu gardishain us ka tawaf karti hain
Chalay to us ko zamanay theher ke dekhte hain
Kisay naseeb ke be parahan usay dekhay
Kabhi kabhi dar-o divaar ghar ke dekhte hain
Kahaniyan hi sahi sab mubalaghay hi sahi
Agar woh khawb hai tabeer kar ke dekhte hain
Ab us ke sheher main thehrain ke kooch kar jayan
Faraz aao sitaray safar ke dekhte hain

Ehsaan Jataney

Dhananjay Parmar

Hi friend’s

This is just poem and shayari,

Ab ke ehsaan jataney bhi nahin aya koi
Mein jo rootha tou mananey bhi na aya koi

Aik woh door ke soney bhi na dete they mujhe
Aik yeh wakt ke jaganey bhi na aya koi

Dag-magata tha tou sou hath lapakte they mujhe
Gir gaya hoon tou uthaney bhi nahin aya koi

Janey ahbab pe kya guzri, khuda kher kare
Arsay se neya zakham laganey nahin aya koi

Aese utra hoon dilon se ke hansaana tou kuja
Aik muddat se rulaney bhi nahin aya koi

Yun tou so baar, toota, jura, magar ab ke amin
Aese toota ke bananey bhi nahin aya koi

Deewar hai kisi ki, dareecha kisi ka hai
Lgta hai ghar ka ghar hi asasa kisi ka hai

Ik aur hath bhi hai pas-e-raqs heela jo
Hum tum tou putliyaan hain, tamasha kisi ka hai

Yeh jo hain mere paon kisi aur ke na hon
Chal mein raha hon, Naksh kuf e paa kisi ka hai

Ashkon se bhar raha hon mein apni dareeda mashk
Itne barss ke bad bhi darya kisi ka hai

Kese kahoon ke apni zubaan bolte hain hum
Alfaaz shayed apne hon, lehja kisi ka hai

“”MeNe Boht Se Dost Bnaye”"

“”Kuch Boht Khas!
“”Kuch Boht pyare;

1 Se to MuJe MOHABT B Boht thi!
Kuch Mulk Chor Gaye,
To kisi Ne Ghar Badal Lia,
Kisi Ne MuJe Chor Dia Or kisi ko Mene,
Kuch Doston Se Rabta Hai,Kuch Se Nhi
Koi Apni Ana ki Wja Se Rabta Nhi Krta
Kahin Meri Ana Muje Rokti Hy
Wo Sb Jese B Hen,Jahan Bhi HEn
Main Ab B Unhe Chahta Hun,Or yaad Krta Hun
Q k MeNe Un K Sath Zindgi K yadgar Din Guzare Hen.

Wo ik masoom si chahat
Wo ik benaam si ulfat
Wo meri zaat ka hissa
Wo meri zeest ka qissa
Mjhy mehsoos hota hai
Wo mere pas hai ub bhe
Wo jab jab yad ata hay
Nigahoun me samata hai
Zuban khamosh hoti hai
Magar ye ankh roti hai
Mein khud se puch lete hun
Usay kya pyar hai mjh se
Jawaban soch leti hun
Usay bhe pyar hai “SHAYAD”
Isi “SHAYAD” se wabsta hai
Ub to her khushi meri
Yahi ek lafz “SHAYAD”
Ban gya hai zindagi meri.

Dhananjay Parmar