Bharat India Ban Gaya Hai

Dhananjay Parmar

Hi friend’s

This is just poem and shayari,

And Story

Bharat, - India, ban gaya hai

Aantakiyo ke saaye me hum rehte hai har pal,

khatm naa hoti jaativaad ki siyaasate..chal rahi hai har pal,

naa afjal mara..naa aatank,

bas begunaah maare jaa rahe hai,

kuch naa badla 1947 saal se,

bas bharat, india ban gaya hai....

Ek veer ne khayi thi ghaas ki rotiya,

ab bahuto ke naseeb me wo bhi naa hai,

desh ke liye teen yuva chadhe the suli pe,

ab kisaan suli pe chadhe jaa rahe hai,

kuch naa badla 1947 saal se,

bas bharat, india ban gaya hai....

Baapu ne tyage the kapde desh prem ke khaatir,

janta ke utar gaye kapde iss mehngaai ke khaatir,

gulaam ban gaya tha desh jab paraye aaye the ise lutne,

ab bhi desh gulaam hi hai jab apno ko lut rahe hai apne,

kuch naa badla 1947 saal se,

bas bharat, india ban gaya hai....

Rishwatkhori ki aag me kuch iss tarah julas raha hai desh,

apne adhikaaro ke liye apno ko deni pad rahi hai ghus,

pata nhi desh me ghotaale hai..yaa ghotaalo me desh,

sirf ek baat hi saaf hai ki gadde me aa gaya hai desh,

kuch naa badla 1947 saal se,

bas bharat, india ban gaya hai....  

Sardi garmi barsaat..seema pe seena taane khade rahte hai jawan,

hum sote hai chain ki neend..jaagte rehte hai jawan,

aaj ke daur me bhai bhai ke liye naa ladta,

wo pure desh ke liye ladne ko taiyar hai,

kuch naa badla 1947 saal se,

seema pe bharat maa ka naara wo hi hai,

agar kuch badla 1947 saal se,

bas bharat, india ban gaya hai.... 

Bharat, - India, ban gaya hai : 1947 years se kuch nhi badla sivay 'bharat' word ke. kyunki aaj ki taarikh me duniya ki najro mein desh ki pehchaan sirf india se hai....bharat se nhi. cricket me india, teesri sabse badi fauj INDIA, international market ki economy ko increase karne waala desh INDIA , atomic power ke according INDIA, foreign me sabse jyada demand INDIA ke doctors engineers ki etc. etc. lekin bahut se bharat ke naagriko ke naseeb me do waqt ki roti bhi nhi hai, unke liye toh bharat aaja bhi vaisa hi hai jo 1947 saal pahle tha..india toh sirf duniya ke liye hai.

Dhananjay Parmar