Apni Yad Se

Dhananjay Parmar

Hi friend’s

This is just poem and shayari,

Mujhe apne barbad
Hone ka gum nahi,
Teri barbadi ka suna
Tu bohat roya

Main ne Har pal har
Su tujhe Yad kia,
Jab Tujhe Apni Yad se
Gaafil paya tu bohat
Roya

Ye zindagi
Ye Ronaqein
Ye ranjishein,
Jab in Sab me Tujhe
Tanha paya Tu bohat
Roya

Main ne apne Dil k har
Konay me sirf tujh
ko hi Bsaya,
Tere Dil me Basa jab
Koi Or dekha Tu bohat
Roya

“RanA” Jaanta tha k To
Es k Nasib me nahi
Hai
Lekin phir B tujhe khuda
Se Baar baar maanga Tu
Bohat Roya

Agar kabhi koi lamha
Aisa zakhm de jaye
K koi bhi marham us
Zakhm ko na bher paye
Tum udas mat hona
Mehv-e-yaas mat hona
Zindgi k sub mausam
Aik se nahi hote
Saray log ay humdum
Aik se nahi hote
Zindgi ki rahon main
Hadsey bhi atey hain
Hadson se barh ker kuch
Waaqay bhi atay hain

Waqt k hi marhum se
Zakhm bher bhi jatay hain
Din buray hon ya achay
Bus guzer hi jatay hain

Waqt ko guzerna hai
Zakhm ko bhi bherna hai
Dard k charhay derya
Ko abhi uterna hai
Tum udas mat hona
Mehv-e-yaas mat hona

Woh to khushboo hai, hawaon main bikhar jaae ga
Maslaa to phool ka hai phool kidar jaae ga

Hum tou samjhe the ke ik zakhm hai bhar jaae ga
Kya khabar the keh rag e jaan main utar jaae ga

Woh hawaon ki tarhan khana e bajaan phirta hai
Ik jhonka hay jo aye ga, guzar jaae ga

Woh jab aye ga to phir uski rafaqat ke liye
Mousam e gul mere angan main theher jaae ga

Aakhrish woh bhi kahin rait pe bethe honge
Tera yeh pyar bhi daryaa hai utar jaae ga

Mujhko tehzeeb ke barzhak ka bana dia waris
Jurm yeh bhi mere ajdaad ke sar jaae ga

(Aakhrish:But)(Tehzeeb:Manners)(Rafaqat:Company,Being With)

Jo daagh dil paiy lagay onn ko mita kar jeetay
Kaisay hum onn ke jafaon ko bhola kar jeetay

Baat karnay k leye kis ka waseela chahtay
Ya tau pathar ka koe bott he bana kar jeetay

Na andhaira na swaira na kiran ke koe umeed
Aisi halat main kahan khud ko jaga kar jeetay

Jaanay wala koe sobha ka bhoola na thha
Warna darwazaiy paiy shama jala kar jeetay

Rung pheekay thhay chaman main bhe gulon k warna
Aashiyaan shaakh-e-gulistan paiy bana kar jeetay

Na koe hud haiy ulfat mai azaadari kee
Na he laazim thha k hum ansoo baha kar jeetay

Zindagi bhe tau badalti haiy thikaanay shaukat
Warna momkin thha galay isko laga kar jeetay

Zindagi ke raahon main runge-o-gham k mailay hain
Chaar soo andhairay hain un ginnat jhamailay hain

Kishtiyan hain kaaghaz ki barishon ka mousam hay
Aandhiyon k jhhakad main paaniyon k railay hain

Dard ka sumdar hay mohabaton ke baazi main
Ghamo ke rawani main dard kitnay jhailay hain

Tum bina adhori hay zindagi dau pal ke hay
Ansoowon k darya main kis qader akailay hain

Na tammam ruston main doshmanno k pehray hain
Baywafa zamanay nay khail kaisay khailay hain

Kis ko maan lain apna kis say doshmanni rakhain
Iss baibasi main ghum baishumaar jhailay hain

Baat ik lumhay ke hay waqat kab maeyeser hay
Khawhishein hazaron hain haath meray phailay hain

Aa k tum he rakh jaao dil pay haath shaukat k
Dooor reh k batoon say dil kis k behlay hain

(Kashtiyan:Boats)(Barish:Rain)(Jhailay:Been Through, Faced)(Rawani:Continuous)

Dhananjay Parmar