Saturday, November 6, 2010

Ehsaas

Dhananjay Parmar
Dhananjay Parmar



hi Dear Freind's,
Just Shayri ....



Yun Zamaane Se Koi Shikayat Na Thi,
Kya Kahu Khuda Ke Ishq Ka Rang Kaisa Tha,

Faasle Yun Apno Se Kab Ke Toot Chuke The,
Thi Woh Mere Paas He Phir Woh Rishta Kaisa Tha,

Mohabbat Se Sukoon Mujhe Nahin Usse Bhi Mila,
Thi Duniya Rangeen Phir Woh Judaai Kaisi Thi,

Milta Tha Khuda Bhi Aaj Kal Mujhe Maikhane,
Kya Kehta ” Masroor” Ke Tanhaai Ka Waqt Kaisa Tha,

Kya Woh Mulaaqat Joh Aksar Dikhai Deti Hai,
The Woh Kuch Nazaare Ke Woh Raasta Kaisa Tha,

Mashroof Thi Mussarat Ke Woh Logon He Kaha,
Roz Aati Thi Chandni Phir Mera Chand Kaisa Tha…





Muqaddar Aazmane Mein,
Zamane Beet Jate Hain,

Muradain Dil Ke Panay Main,
Zamane Beet Jate Hain,

Muhabbat Zindagi Mien,
Bari Mushkil Se Milti Hain,

Mager Us Ko Nibhane Main,
Zamane Beet Jate Hain,

Ager Ek Baar Aankhon Mien,
Achanak Aa Basay Koi,

Ussay Dil Se Bhulanay Mein,
Zamane Beet Jate Hain.






Ishq Ka intezar Koun kare
Toot kar itna Pyaar Koun kare

Ruthe Aise Me Ke Hum Bhi
Minnatein Ab Hazar Koun Kare
Niyamatein Beshumaar Hain Usski
Zoq-E-Sajda Shumaar Koun Kare
Dil Bhi Janat Hai Apni Duniya Me
Hashr Ka intezar Koun Kare
Pyaar Ki Aag Me Hain Parwane
Aisi Takleef Yaar Koun Kare
Faqeer Bhi Shahinsha Hai Duniya Ka
Raham Ab iqtiyar koun kare






Chashm Hairat Pe koi Darr Nahi Khulne Deta
Aankh Khul Jaye Toh Manzar Nahi Khulne Deta
Ek kwahish Mujhe Pasti Se Uthati Hai Magar
Ek Dar Hai Jo Mere Par Nahi Khulne Deta
Hath ki Saari Lakeerein Hain Jazeeroun Se Bhari
Aur Jazeeroun Ko Samander Nahi Khulne Deta
Taa Naa Khul Jaye Koi Nuqs Pass-E-Naqshgiri
Aaiyena Aks Ke Ander Nahi Khulne Deta
Koun Jaane Kise Maloom Haqeeqat Kya Hai
Bhed Apna Woh Kisi Par Nahi Khulne Deta
Ghair Leta Hai Muheet-E-Gham Laahasil Me
Phir Koi Raasta Bahar Nahi Khulne Deta
Phair Deta Hai Kabhi Mouj-Balaa Qaiz ka Ruqq
Aur Kabhi Aag Ka Johar Nahi Khulne Deta
Dekh Par Qaak Nasheenoun Ke Khudaiye Dawe
Tu Agar Daftar-E-Mehshar Nahi Khulne Deta




Ek Tera Ehsaas Hai….
Jo Har Waqt Mere Sath Hai
Ek Teri Yaad Hai
Jo Din Raat Mujhe Tarpaati Hai

Ek Umeed Hai Bharosa hai hamare milne ka
aik doosre ka hojane ka
Na Chain Hai Na Sukoon Hai
Ye Kaisa Mera Haal Hai…!
Ratain Hogai Hai Itni Lambi
Jo Kaate Nahi Katteen…
Na Bhook Hai Na Pyaas Hai
Na Koi Aas Hai,Na Koi Paas Hai
Bas Ek Tera Ehsaas Hai
Jo Har Waqt Mere Sath Hai